Hər bir siyasi partiyanın və ya liderin öz televiziyasının olması yalandır. Televiziyalardan birinin jurnalistiyəm və partiya televiziyası olduğumu öz üzərimə götürə bilmərəm, partiya televiziyası deyiləm – bu haqda “Formula” teleşirkətinin aparıcısı Sopo Xuntsaria Gürcüstanın Birinci Kanalının yaxınlığında davam edən aksiyada bildirib.

Sopo Xuntsaria bildirib ki, Gürcüstanın Prezidenti Salome Zurabişviliyə və siyasi partiyalara efir ayırmalı idilər. Onun izahatına əsasən, siyasətçilərlə birlikdə xalqa efir ayırmaq lazımdır.

“Bu, əsl xalqın səsidir, hər bir fikrin mövcud olmaq hüququ var. Bu mühümdür, lakin mən bu cənaba mütləq cavab verməliyəm, hər bir siyasi partiyanın və ya liderin öz televiziyası var deyəndə nəyi nəzərdə tutursunuz, bilmirəm. Bu yalandır. Bunu dediyim üçün məni bağışlayın. Televiziyalardan birinin jurnalistiyəm və partiya televiziyası olduğumu öz üzərimə götürə bilmərəm, partiya televiziyası deyiləm və bunu tamaşaçılarım bilir, çünki tamamilə hər şeydən danışıram və hər cür rəyi olan, o cümlədən sizin kimi rəyi olan respondentlərim var.

Müvafiq olaraq, bütün seçkiöncəsi dövr ərzində Birinci Kanal siyasi partiyalar üçün bağlı idi. Bunun milli hərəkatla birlikdə siyasi proses olması haqda razılaşırıqsa, o zaman siyasətçilər də bura gəlməlidirlər və onlar üçün də efir tələb edək. Üstəlik, təbii ki, sizinlə razılaşıram ki, insanlara tribuna lazımdır. Ona görə də tələblərimizin mühüm bəndlərindən biri odur ki, siyasətçilərlə yanaşı, əlbətdə, ən böyük efir vaxtı xalqa ayrılmalıdır. Bu zəruridir, dünəndən burada toplaşmağa, aksiyalara bununla başladıq. Müvafiq olaraq, Salome Zurabişvilini Birinci Kanala buraxmır və bölgələr bunu eşidə bilmirsə, bu, çox böyük cinayətdir. Ona görə də biz bu gün sınaq şəklində edirik və sınaq şəklində Birinci Kanala Salome Zurabişvilinin müsahibəsini efirə verib-verməyəcəklərini təklif edirik, əminəm ki, o, razılaşacaq. Düzünü desəm, bizim başımıza gələnlər və nə formada gəlməsi, məhz özümüzü bir-birimizdən bir şəkildə ayırmağımıza görədir və ey xalq, bu gün birlik vaxtıdır, artıq ayrılıq vaxtı deyil, mən bunun tərəfindəyəm, mən onun tərəfindəyəm, mən o deyiləm və bu deyiləm. Bu gün biz hamımız birik, o cümlədən siyasətçilər də. Siyasətçiləri niyə tələb edirik? Çünki onlar bizim kimi olmalıdırlar, bizə nə lazım olduğunu biz onlara diktə etməliyik, söyləməliyik. Bu ölkədə bizə yuxarıdan diktə etdikləri dövr bitdi. Müvafiq olaraq, onlar burada dayanmalıdırlar, çünki biz deməliyik ki, biz bunu belə istəyirik və biz belə qərar vermişik, əgər başqa cür olsa, insanlar yenidən ayılacaq və yenidən dəyişəcəklər. Biz bunu lazım olan qədər dəyişəcəyik” – Sopo Xuntsaria bildirib.

Sopo Xuntsaria bir daha qeyd edib ki, “siyasi partiyalara, Salome Zurabişviliyə və sadə insanlara efir ayrılmalıdır”.

“Biz canlı efirdə yayımlanacağıq, lakin televiziya formatı başqadır. Çağırdıqlarını, lakin yox cavabı aldıqlarına dair yalan danışdıqları siyasi partiyalara efir ayırsınlar. Efiri Gürcüstanın Prezidentinə və deməyə sözü çox olan sadə insanlara ayırsınlar, bu televiziya sizindir, bu kanal sizindir” – Sopo Xuntsaria Gürcüstanın Birinci Kanalının yaxınlığında davam edən aksiyada bildirib.