“Fox News”un məlumatına əsasən, ABŞ-nin immiqrasiya vizalarının verilməsini dayandıracağı 75 ölkə arasında Gürcüstan da var. Siyahıya Ermənistan, Azərbaycan, Rusiya və Moldova da daxildir.

Bu haqda “Fox News” ABŞ Dövlət Departamentinin memorandumuna istinadən yazır.

Ölkələrin siyahısı belədir: Əfqanıstan, Albaniya, Əlcəzair, Antiqua və Barbuda, Ermənistan, Azərbaycan, Baham adaları, Banqladeş, Barbados, Belarus, Beliz, Butan, Bosniya, Braziliya, Birma, Kamboca, Kamerun, Kabo-Verde, Kolumbiya, Kot-d’İvuar, Kuba, Konqo Demokratik Respublikası, Dominika, Misir, Eritreya, Efiopiya, Fici, Qambiya, Gürcüstan, Qana, Qrenada, Qvatemala, Qvineya, Haiti, İran, İraq, Yamayka, İordaniya, Qazaxıstan, Kosovo, Küveyt, Qırğızıstan, Laos, Livan, Liberiya, Liviya, Makedoniya, Moldova, Monqolustan, Monteneqro, Mərakeş, Nepal, Nikaraqua, Nigeriya, Pakistan, Konqo Respublikası, Rusiya, Ruanda, Sent-Kits və Nevis, Sent-Lüsiya, Sent-Vinsent və Qrenadinlər, Seneqal, Syerra-Leone, Somali, Cənubi Sudan, Sudan, Suriya, Tanzaniya, Tayland, Toqo, Tunis, Uqanda, Uruqvay, Özbəkistan və Yəmən.

Medianın məlumatına əsasən, vizaların verilməsi prosesinin dayandırılması yanvarın 21-də başlayacaq və ABŞ Dövlət Departamenti vizaların verilməsi prosedurlarını yenidən qiymətləndirənə qədər qeyri-müəyyən müddətə davam edəcək.

“Fox News” yazır ki, 2025-ci ilin noyabrında ABŞ Dövlət Departamenti diplomatik nümayəndəliklərə konsulluq əməkdaşlarından müraciət edənlərin sərt şəkildə yoxlanılmasını tələb edən əmr göndərib. Xüsusilə, konsulluq əməkdaşları ehtimal ki, dövlət güzəştlərindən asılı olacaq şəxslərə viza verməkdən imtina etməyə məcbur edir. Qərar qəbul edilərkən bir çox amillər, o cümlədən sağlamlıq vəziyyəti, yaş, ingilis dilini bilmə səviyyəsi, maliyyə vəziyyəti, uzunmüddətli tibbi qayğıya potensial ehtiyac və s. nəzərə alınacaq.

“Dövlət Departamenti ABŞ üçün yükə çevriləcək və Amerika xalqının səxavətindən faydalanacaq potensial miqrantları uyğun olmayan hesab etmək üçün öz səlahiyyətlərindən istifadə edəcək. Dövlət Departamenti sosial yardım və dövlət güzəştlərindən istifadə edəcək ölkələrin vətəndaşlarının ölkəyə girişinin qarşısını almaq üçün immiqrasiya prosedurlarını nəzərdən keçirənədək 75 ölkədən miqrasiya müvəqqəti olaraq dayandırılacaq” – ABŞ Dövlət Departamentinin mətbuat katibi Tomi Piqot bildirib.