Finlandiya Prezident Administrasiyası – Finlandiya və Norveç liderləri Vladimer Putinlə Avropa adından deyil, öz ölkələrinin adından danışıblar

19:37, 27.10.2026

 

Finlandiya Prezident Administrasiyası da Finlandiya Prezidenti və Norveçin Baş nazirinin Rusiya Prezidenti Vladimer Putinlə telefon danışığı barədə məlumat yayır.

Onlar, Vladimer Putinlə telefon söhbətinin oktyabrın 20-də Osloda keçirilmiş görüşün davamı olduğunu və Ukrayna ilə məsləhətləşmələr çərçivəsində aparıldığını izah ediblər.

Finlandiya Prezident Administrasiyasının bəyanatında qeyd olunub ki, danışığın təşəbbüskarları Aleksandr Stub və İonas Qar Stiorenin özləri olub.

“Stub və İonas Qar Stiore Rusiyanın Ukraynaya qarşı təcavüzkar müharibəsini, eləcə də müharibənin başa çatması və Avropada sülh ilə sabitliyin dəstəklənməsi məqsədilə diplomatik səyləri müzakirə etmək üçün telefon danışığının təşəbbüskarları olublar. Finlandiya və Norveç Rusiya ilə həmsərhəddir. Onlar Ukraynanın qətiyyətli dəstəkçiləridir. Telefon söhbətinin məqsədi müharibənin bitməsinə kömək edəcək gələcək danışıqlarla bağlı mesajları Prezident Putinə birbaşa çatdırmaq idi. Telefon danışığı Abu-Dabidə planlaşdırılan görüşlərə aid olub” – Finlandiya Prezident Administrasiyasının bəyanatında qeyd olunub.

Finlandiya Prezident Administrasiyası, Finlandiya və Norveç liderlərinin Avropa adından deyil, yalnız öz ölkələrinin rəhbərləri kimi danışdıqlarına dair məlumat verir. Onlar, hər iki dövlətin Ukraynaya dəstəyini davam etdirdiyini bildiriblər.

Bununla yanaşı, Finlandiya Prezident Administrasiyasının məlumatında liderlərin müharibənin başa çatmalı, danışıqların isə bərpa olunmalı olduğunu qeyd etdikləri deyilir.

“Söhbət səmimi və məzmunlu keçdi. Biz Rusiyanın qonşusu olan ölkələrik. Bu müharibənin nəticəsi birbaşa bizim və bütövlükdə Avropanın təhlükəsizliyinə təsir edir. Müharibəyə son qoyulması üçün birbaşa danışıqlar lazımdır” – Stub bildirib.

Finlandiya Prezident Administrasiyası Stiorenin müharibənin insan və maddi itkilərinə diqqət çəkdiyinə dair məlumat verir.

“Müharibə böyük insani və maddi zərər vurur. Əzablar nəsillərə əks olunacaq. Söhbət zamanı deeskalasiyanın vacibliyini ifadə etdik” – İonas Qar Stiore açıqlayıb.

Xatırladaq ki, Vladimer Putinin Finlandiya Prezidenti və Norveçin Baş naziri ilə telefon danışığı barədə rəsmi məlumatı Kreml də yayıb.

Oxşar