“Financial Times” – Donald Tramp müharibəni eskalasiya edərsə, İran Avropada ABŞ-ın hərbi obyektlərinə hücum etməyi nəzərdən keçirir

“Financial Times”ın İran hakimiyyətinə yaxın mənbəyə istinadən yaydığı məlumata görə, Donald Tramp müharibəni eskalasiya edəcəyi təqdirdə, İran Avropada ABŞ-ın hərbi obyektlərinə hücum etməyi nəzərdən keçirir.
İki mənbə nəşrə bildirib ki, İran qüvvələri Cənub-Şərqi Avropa ölkələrində, o cümlədən Bolqarıstanda ABŞ obyektlərinə hücum imkanlarını qiymətləndirib. Bolqarıstan ötən ay Bezmer aviabazasından ABŞ təyyarələrinin yanacaqla təmin olunması üçün istifadəyə icazə verib.
Mənbələrdən biri əlavə edib ki, mart ayında Britaniyanın Kiprdəki aviabazasına dron hücumu həyata keçirildiyindən, ABŞ-ın hücumlarının yenidən başlaması halında Kipr də potensial hədəf kimi nəzərdən keçirilir.
Onların sözlərinə görə, eskalasiya baş verəcəyi təqdirdə İran qüvvələri Hörmüz boğazında sualtı fiber-optik kabellərə hücum ehtimalını da ayrıca müzakirə ediblər.