Fiqurlu konkisürmə | Olimpiya Oyunlarında komanda yarışında ilk gündən sonra Gürcüstan yığması dördüncü yerdədir

Milan və Kortinada keçirilən Qış Olimpiya Oyunlarında fiqurlu konkisürmə üzrə komanda yarışı davam edir.

Qısa proqramda Gürcüstanı Anastasiya Qubanova təmsil edib. Onun çıxışı 67,79 xal ilə qiymətləndirilib və yığmaya 6 komanda xalı qazandırıb.

Ritmik rəqslərdə Diana Devis və Qleb Smolkin cütlüyü Gürcüstan yığmasına 5 xal, Anastasiya Metelkina və Luka Berulava cütlüyü isə 9 xal əlavə edib. Üç disciplina üzrə yarışlardan sonra Gürcüstanın ümumilikdə 20 xalı var və komanda sıralamada dördüncü yerdə qərarlaşıb.

İlk günün yekunlarına əsasən, ilk beşlik belədir: ABŞ (25 xal), Yaponiya (23), İtaliya (22), Gürcüstan (20), Kanada (19).

Fevralın 7-də qısa proqramda Nika Eqadze çıxış edəcək. Onun nəticəsindən sonra Gürcüstan yığmasının ilk beşlikdə yer alaraq medal uğrunda mübarizəni davam etdirib-etdirməyəcəyi bəlli olacaq.