Milan və Kortinada davam edən Qış Olimpiya Oyunlarında fiqurlu konkisürmə üzrə Gürcüstan yığmasının üzvü Nika Eqadze qısa proqramda 85.11 xala layiq görüldü, 15-ci yeri tutdu və finalda çıxış etmək hüququ qazandı.

Kişilər arasında qısa proqram üzrə 29 idmançı iştirak edirdi, ən yaxşı nəticə göstərən 24 konkisürən finala keçdi və medal uğrunda mübarizəni davam etdirəcək.

Sərbəst proqram öncəsi liderlərin üçlüyü belə görünür: İlia Malinin (ABŞ) – 108.16 xal, Yuma Kaqiama (Yaponiya) – 103.07 xal, Him Fa Adam Siao (Fransa) – 102.55 xal.

Olimpiadada qeyd olunan idman növündə sərbəst proqram fevralın 13-nə planlaşdırılıb. Fevralın 11-də isə Qleb Smolkin və Diana Devis cütlüyü idman rəqsləri üzrə sərbəst proqramla çıxış edəcək – Gürcüstanın Birinci Kanalı saat 22:30-dan etibarən birbaşa reportajı sizə təqdim edəcək.