Gürcüstanın basketbolçulardan ibarət yığması “EuroBasket”də 34-cü matçını keçirir. Onun rəqibi Bosniya və Herseqovinadır və qarşılaşma sentyabrın 4-də Tbilisi vaxtı ilə saat 16:00-da başlayacaq. Birbaşa reportajı Gürcüstanın Birinci Kanalı və Birinci Kanal İdman sizə təqdim edəcək.

Tarixi əhəmiyyəti:

“Xaçlılar” altıncı “EuroBasket”ini oynayırlar və beş halda onların növbəti mərhələyə yüksəlməsi məsələsi son turda həll olundu – iki dəfə müsbət şəkildə. Komandamız “EuroBasket”də bir dəfə olsun belə iki oyundan çox qələbə qazanmayıb, bu dəfə isə tarixi nəticə göstərə bilər – artıq iki qələbə qazanıb və əgər Bosniyanı məğlub etsə, pley-off mərhələsinə vəsiqə qazanacaq. Pley-off isə 1/8 finaldan başlayır.

Ancaq, qrupda neçənci yerə çıxacağı artıq günün son qarşılaşması olan Yunanıstan-İspaniya matçının nəticəsindən asılı olacaq.

Gürcüstanın yığmasının Bosniya və Herseqovinaya məğlub olması halında belə, 1/8 finala yüksəlmək şansı qalır. Bunun üçün Yunanıstanın İspaniyanı məğlub etməsi lazımdır, bundan sonra da Gürcüstan və İspaniya qrup mərhələsini hərəyə 2 qələbə ilə başa vuracaq və qarşılıqlı görüşlərdə göstərdiyi ən yaxşı nəticə hesabına komandamız 4-cü yerə çıxacaq. İspaniya və Kipr isə “EuroBasket”lə vidalaşacaqlar. Belə ki, bu gün İspaniya da bizim azarkeşimizdir.

Altı komandadan ibarət qrupdan 1/8 finala ən yaxşı dörd komanda yüksələcək və D qrupunun təmsilçisi ilə qarşılaşacaq: Fransa, Polşa, İsrail və ya Sloveniya. Belçika və İslandiya artıq turnirdən kənarlaşdırılıb.

Qarşılıqlı görüşlər:

90-cı illərdə futbol yığması ən çox bolqarlar üzərində qələbə (2:1), basketbolçular isə bosniyalıları məğlub etməklə (77:66) fəxr edirlər.

Bu iki matçın Tbilisidə eyni gündə – 1995-ci ilin oktyabrın 11-də keçirilməsi rəmzidir. Ertəsi gün “Sarbieli” qəzeti belə başlıqla çıxdı: “11 oktyabr – Qələbə günü-möcüzə”.

Gürcüstan-Bosniya matçının şərhçisi Camlet Xuxaşvili cəsarətli müqayisə apardı: müdafiədə Vladimer Stepania Braziliyanın yığmasındakı Pele ilə eynidir… O, o vaxt üçqat dubla yaxınlaşdı.

İkinci hissənin sonunda Qia Sanadzenin növbəti uzaq məsafədən zərbəsi nəticəsində ev sahibləri 12 xalla önə keçdilər – 51:39. Bu, artıq qələbə demək idi. Gürcüstanın yığması tarixdə özünün ilk Tbilisi matçını 77:66 hesabı ilə qazandı.

Bu gün Gürcüstanın yığmasında Camlet Xuxaşvilinin böyütdüyü Qiorqi Şermadini və Qia Sanadzenin oğlu Duda çıxış edir. Zaman da dəyişib, əgər 90-cı illərdə NBA-də bir basketbolçumuz – Vladimer Stepania var idisə, bu dəfə Qoqa Bitadze və Sandro Mamukelaşvili orada oynayır. Müvafiq olaraq, rəqibdən daha çox qalib gəlmək şansımız var. Bunu mütəxəssislər də etiraf edirlər.

Gürcüstanın yığması Bosniya və Hersoqovina ilə ümumilikdə 7 dəfə qarşılaşıb (üç qələbə). İkinci qələbə 2013-cü ilin “EuroBasket”in seçmə mərhələsində səfərdə olub – 96:95. Bu, komandamızın ən baxımlı oyunlarından biri idi. Lakin, cavab oyununda daha effektiv baxımlı oyuna şahid olduq: başdan sona gərgin keçən mübarizədə son saniyədə Manuçar Markoişvilinin üç xallıq topuna Mirza Teletoviç də həmçinin üç xallıq topla cavab verdi və Bosniya və Herseqovina 107:103 hesabı ilə qalib gəldi.

Şərh:

Aleksandr Cikiç, Gürcüstanın yığmasının məşqçisi:

“Bosniya və Herseqovina perimetrdən yaxşı zərbələr vurur, yüksək səviyyəli ön xətt oyunçuları da var. Beləliklə, Tornike Şenqelianın dediyi kimi, biz “itlərin döyüşünü” gözləyirik. Bosniyalılar əllərində olan hər şeylə oynayacaqlar, biz də əlimizdə olan hər şeylə oynayacağıq. Çox ağır oyun gözləyirik. Bu, basketbol müharibəsi olacaq”.

Tornike Şenqelia:

“Yunanıstanın indiyə qədər məğlubiyyəti olmayıb və Bosniyaya məğlub oldu. Belə komandaya qalib gəlmək asan deyil. Bosniya və Herseqovinanın necə oynadığını gördük və onunla matça ən yaxşı formada çıxmağa çalışacağıq. Hansı komandanın pley-offa yüksələcəyi məhz bu qarşılaşmada həll olunacaq. Ona görə də hər iki komanda üçün çox vacib qarşılaşmadır”.

Adis Beçiraqiç:

“Bilmirəm, oxumusunuz, yoxsa yox, lakin Avropa Çempionatı start almazdan əvvəl deyirdim ki, Gürcüstan yığması diqqətəlayiq idi. Onda dedim ki, Bosniya və Herseqovina bacara bilməsə, o zaman Gürcüstanın milli komandası bizə syurpriz təklif edəcəkdi. Bu, elə ilk turda, Gürcüstan İspaniyanı məğlub edəndə baş verdi. Unutmayın ki, biz bu günə qədər hər kəs üçün hesablaşmalı qüvvə olan hazırkı Avropa çempionu haqqında danışırıq. Heç bir komanda meydana çıxaraq Serco Skariolonun çalışdırdığı İspaniyaya mütləq qalib gələcəyini deyə bilməz”.

16:00 Bosniya və Herseqovina VS Gürcüstan

19:15 İtaliya VS Kipr

22:30 İspaniya VS Yunanıstan