Ətraf Mühitə Nəzarət Departamenti ov mövsümü ərzində nəzarəti gücləndirir
22 avqustda köçəri quşların ovlanması mövsümü başlayır və 2027-ci il martın 1-dək davam edəcək. Bu barədə Ətraf Mühitin Mühafizəsi və Kənd Təsərrüfatı Nazirliyi məlumat yayıb.
Nazirliyin məlumatına görə, Ətraf Mühitə Nəzarət Departamenti qanunsuz ov hallarının qarşısının alınması, aşkar edilməsi və qanun pozuntularının müəyyənləşdirilməsi məqsədilə mövsüm ərzində ölkə üzrə 24 saatlıq gücləndirilmiş nəzarət həyata keçirəcək.
Ətraf Mühitə Nəzarət Departamenti vətəndaşları qanunvericiliyin tələblərinə ciddi əməl etməyə çağırır. Qanun pozuntusu aşkar edildikdə, departamentin müvafiq regional idarəsinin operativ müdaxiləsini təmin etmək üçün Ətraf Mühitin Mühafizəsi və Kənd Təsərrüfatı Nazirliyinin 153 qaynar xəttinə zəng etmək olar. Zəng pulsuzdur və anonimlik qorunur.
Köçəri quşları ovlamaq istəyən şəxslər ovdan əvvəl köçəri quşların təbiətdən götürülməsinə görə müəyyən edilmiş 10 lari məbləğində rüsumu ödəməlidirlər.