Estoniyanın bələdiyyə seçkilərində xarici işlər naziri Marqus Tsahknanın hakim koalisiyaya daxil olan “Estoniya 200” partiyası 5%-lik seçki həddini keçə bilməyib. Partiya Tallinndə 1,2%, ölkə miqyasında isə 1,7% səs toplaya bilib. Partiya yalnız Tartuda seçki həddini keçə bilib.

Seçkilər ölkənin 79 munisipalitetində keçirilib və seçki koalisiyaları 23,87% səslə birinci, hakim “Estoniyanın Mərkəzçi Partiyası” 21,11% -lə ikinci yerdədir, 18,56% səslə üçüncü yeri isə “Mamuli” tutub.

Ümumilikdə daha üç partiya – “Estoniyanın İslahatlar Partiyası”, “Sosial Demokrat Partiyası” və “Mühafizəkar Xalq Partiyası” 5%-lik seçki həddini keçib.

Paytaxt Tallinə gəlincə, 79 mandatlı şəhər şurasında hakim “Estoniyanın Mərkəzçi Partiyası” ən çox yeri qazanıb və 32 yeri olacaq, “Estoniyanın İslahat” isə 17 yer qazanıb. Xristian Demokratlar və Sosial Demokratlar hərəyə 9 yer qazanıblar. “Mühafizəkar Xalq Partiyası”nın isə beş mandatı olacaq.