Estoniya İctimai Yayımının məlumatına görə, ölkənin hökumət koalisiyasının bəyənmə reytinqi rekord səviyyədə aşağıdır

Estoniyada hökumət koalisiyasına daxil olan İslahat Partiyası, Sosial Demokratlar və Eesti 200-ün ümumi reytinqi 31,7%-lə rekord aşağı səviyyədədir.

Müxalifət partiyalarına gəlincə, onların ümumi reytinqi 60,6%-dir.

Bu barədə ölkənin ictimai yayımı məlumat yayıb.

Norstatın məlumatına görə, hakim koalisiyadakı siyasi qüvvələrin ümumi reytinqi 2019-cu ilin əvvəlindən bu qədər aşağı olmayıb.

Son sorğunun nəticələrinə görə, ən populyar partiya “Vətən” olaraq qalır ki, seçicilərin 29,8%-i səs vermək istəyir. Sonrakı yerdə 17,2 faizlə İslahat Partiyası və 16 faizlə EKRE gəlir.

Yanvarın 29-da açıqlanan statistika son bir ay ərzində keçirilən həftəlik ictimai rəy sorğularının nəticələrinə əsaslanır.

Dekabrın 30-dan yanvarın 26-dək seçici hüququ olan təxminən dörd min nəfər arasında sorğu keçirilib.