Ermənistan, Tacikistan və Qırğızıstan sülhməramlıları Almatını tərk etdilər

Ermənistan, Tacikistan və Qırğızıstan sülhməramlıları Almatını tərk etdilər. Bu barədə məlumatı rus mediası yayır.

Yayılan məlumata görə, hərbçilər daimi dislokasiya yerlərinə qayıtdılar.

Tacikistan və Ermənistan sülhməramlıları Rusiyanın hərbi-nəqliyyat təyyarələri ilə Qazaxıstanı tərk etdilər, Qırğızıstan qoşunları isə, quru sərhədindən keçərək vətənlərinə qayıtdılar.

Xatırladaq ki, Kollektiv Təhlükəsizlik Müqaviləsi Təşkilatının sülhməramlı kontingenti ölkə prezidentinin müraciəti əsasında yanvarın 6-da Qazaxıstana göndərildi. Bu, ölkədə etiraz aksiyaları zamanı baş verən toqquşmalardan və qurbanlardan sonra baş verdi.

Məlum olduğu kimi, xarici ölkənin kontinqentinin Qazaxıstandan çıxarılması 19 yanvarda başa çatmalıdır.