Ermənistan Respublikasının Gürcüstandakı fövqəladə və səlahiyyətli səfiri Aşot Smbatyan Gürcüstanın Katolikos-Patriarxı İkinci İlianın vəfatına görə başsağlığı verir.

“Ermənistan Respublikasının Gürcüstandakı səfirliyi adından və öz adımdan ümumi Gürcüstanın Katolikos-Patriarxı, Mtsxeta-Tbilisi arxiyepiskopu, Bicvinta və Tsxum-Abxaziya mitropoliti İkinci İlia həzrətlərinin vəfatına görə Gürcüstan Ortodoks Kilsəsinə və qardaş gürcü millətinə dərin hüznümü ifadə edirəm.

İkinci İlia qardaş gürcü millətinin, ümumiyyətlə xristian xalqının tarixində kilsənin qurulması və xalqın birləşdirilməsi missiyası ilə əbədi olaraq yadda qalacaq. Ruhani lider bütün missiyası boyunca təkcə xristian inancının deyil, həm də gürcü xalqının birliyinin, özünəməxsusluğunun qorunmasının və xalqlar arasında tolerantlığın simvoluna çevrildi. Onun bir-birimizə göz bəbəyi kimi qayğı göstərməyimiz və bir-birimizə olan sevgini sabaha saxlamamağımız çağırışları, məncə, təkcə dini və milli deyil, bütün dövrlər üçün ən yaxşı humanist vəsiyyətə çevriləcək. Bu ən böyük itkinin ağır anında qardaş gürcü xalqına dəstəyimi bildirir, onlara təsəlli, dözüm və səbir arzulayıram” – başsağlığı məktubunda deyilir.