Ermənistan Respublikasının Prezidenti Vahaqn Xaçaturyan Gürcüstana rəsmi səfər edib.

Gürcüstanın Xarici İşlər Nazirliyinin məlumatında, Gürcüstanın xarici işlər naziri Maka Bocorişvili, Gürcüstanın Prezident Administrasiyasının rəhbəri Ketevan Kvinixidze və Gürcüstanın Ermənistan Respublikasındakı fövqəladə və səlahiyyətli səfiri Qiorqi Şarvaşidzenin Ermənistan Prezidentini Tbilisi Beynəlxalq Hava Limanında qarşıladıqları deyilir.

“Maka Bocorişvili Vahaqn Xaçaturyana Gürcüstana təşrif buyurduğu üçün təşəkkür edib və ona səmərəli səfər arzulayıb.

Gürcüstan Prezidenti Mixeil Ğavelaşvili erməni həmkarına ev sahibliyi edir. Səfər çərçivəsində Vahaqn Xaçaturyan Gürcüstanın Baş naziri İrakli Kobaxidze və Gürcüstan Parlamentinin sədri Şalva Papuaşvili ilə görüşəcək.

Ermənistan Prezidenti Gürcüstanın birliyi uğrunda həlak olmuş qəhrəmanların memorialını əklillə bəzəyəcək” – Xarici İşlər Nazirliyinin yaydığı məlumatda deyilir.

Bu, Vahaqn Xaçaturyanın Gürcüstana ikinci rəsmi səfəridir.