Yerevanla Bakı arasında sülh sazişi dekabrda imzalanacaq – bu barədə məlumatı erməni nəşri “Hraparak” yayır.

Yayılmış məlumata əsasən, rəsmi Yerevanın Əliyevlə görüşdən sonra 5 saat davam edən danışıqların nəticələri haqda konkret məlumat yaymamasına baxmayaraq, Azərbaycan xəbər agentliyi təfərrüatları ictimailəşdirib, ona əsasən sülh sazişi paraflanıb və tərəflər Zəngəzur dəhlizi ilə bağlı razılığa gəliblər.

Erməni mediasına əsasən, iyulun 10-da Ermənistan xarici işlər nazirinin müavini həmçinin bildirib ki, Ermənistan yola nəzarətin “autsorsinqinə” qarşı deyil.

“Ermənistanda Paşinyanın hüquq-mühafizə orqanlarının əməlləri, konkret olaraq “Erməni İnqilabi Federasiyası”nın, eyni “Daşnaksütun”un üzvlərinin həbsləri məhz bu məqsədə xidmət edirdi. Məsələ ondadır ki, sülh sazişinin razılaşdırılmış bəndlərindən birinə əsasən, tərəflər öz ölkələrində digər tərəfə qarşı separatçı bəyanatlar verən qruplara qarşı mübarizə aparmalıdırlar. Başqa sözlə desək, Ermənistanda Əliyevi və Azərbaycanı, eləcə də Paşinyanı tənqid edən müxalifət partiyaları və ya şəxslər mövcud olmamalıdır” – erməni nəşrinin məlumatında qeyd olunub.