Ermənistan hakimiyyəti tezliklə Türkiyə sərhədində yerləşən Ahurik nəzarət-buraxılış məntəqəsindən rus sərhədçiləri çıxarmağı planlaşdırır. Bu haqda məlumatı erməni mediası diplomatik mənbəyə istinadən yayır.

Mənbənin məlumatına əsasən, Ahurik nəzarət-buraxılış məntəqəsinin verilməsi qərarı artıq qəbul edilib və bayraq dirəyi belə ucaldılıb. Hazırda Türkiyəyə gedən dəmir yolu xəttinin vəziyyətinin qiymətləndirilməsi aparılır.

Qeyd edilməlidir ki, digər mənbələrin məlumatına əsasən, türk tərəfi Marqara nəzarət-buraxılış məntəqəsinin yaxınlığında tikinti işlərinə artıq başlayıb.

Erməni mediasına əsasən, bir tərəfdən Türkiyə tərəfində tikinti işlərinin başlanması və digər tərəfdən isə Ahurikdən gözlənilən istifadə sərhədin yaxın gələcəkdə açılmasının ciddi niyyətindən xəbər verir.