Ermənistana səfəri çərçivəsində Sulxan Tamazaşvili Nikol Paşinyanla görüşüb
Ermənistan Respublikasına rəsmi səfəri çərçivəsində Gürcüstanın daxili işlər naziri Sulxan Tamazaşvili Ermənistan Respublikasının Baş naziri Nikol Paşinyanla görüşüb.
Daxili İşlər Nazirliyinin məlumatına əsasən, Gürcüstanın daxili işlər nazirinin birinci müavini Roni Mesxi və Ermənistanın daxili işlər naziri Arpine Sarkisyanın da iştirak etdiyi görüşdə tərəflər Gürcüstan və Ermənistan arasında mövcud olan sıx əməkdaşlığı nəzərdən keçirib, iki ölkə arasındakı möhkəm dostluq münasibətlərinin əhəmiyyətini vurğulayıblar.
Onların məlumatına əsasən, görüşdə Gürcüstan və Ermənistanın hüquq-mühafizə orqanları arasında formalaşmış səmərəli əməkdaşlığa və cinayətkarlığa qarşı effektiv mübarizə istiqamətində birgə səylərə xüsusi diqqət yetirilib.
“Tərəflər həmçinin regiondakı mövcud vəziyyəti müzakirə edib, Cənubi Qafqazda sülh və sabitliyin qorunub saxlanmasının strateji əhəmiyyətini bir daha qeyd ediblər. Görüşün sonunda Gürcüstanın daxili işlər naziri Nikol Paşinyana görüş üçün təşəkkürünü bildirib və gürcü tərəfinin müxtəlif istiqamətlərdə erməni tərəfi ilə əməkdaşlığı aktiv şəkildə davam etdirməyə hazır olduğunu vurğulayıb” — Gürcüstanın Daxili İşlər Nazirliyinin məlumatında deyilir.