Erqnetidə İnsidentlərin Qarşısının Alınması və Reaksiya Mexanizmi çərçivəsində görüş keçirilib.

Dövlət Təhlükəsizliyi Xidmətinin Analitik Departamentinin direktor müavini İrakli Antadzenin bəyanatına əsasən, Gürcüstan vətəndaşlarının qanunsuz saxlanılması və qanunsuz “borderizasiya” faktları görüşdə müzakirə olunan əsas məsələ olub.

İşğal xətti yaxınlığında 13 dırnaqarası “borderizasiya” hadisəsi qeydə alınıb. Hazırda on Gürcüstan vətəndaşı de fakto rejimin həbsində qalır. Görüşdə əvvəlki görüşdən bu günə qədər ayırıcı xətt yaxınlığında baş verən hadisələri müzakirə ediblər.

İrakli Antadzenin izahatına əsasən, görüşdə işğal altındakı Sxinvalinin nümayəndələri bir daha Çorçanadakı gürcü polis gözətçi məntəqəsi məsələsini qaldırıblar.

Təhlükəsizlik məsələləri ilə birlikdə, humanitar məsələlər də müzakirə olunub. Görüş başlamazdan əvvəl tərəflərin suvarma sistemlərinin təkmilləşdirilməsini müzakirə etdiyi texniki görüş keçirilib.

“Qanunsuz həbsdə olan şəxslərin dərhal azad edilməsi məsələsi gündəliyin əsas məsələsi idi. Bu mərhələdə, təəssüf ki, onların azad edilməsi müddətləri ilə bağlı konkret cavab bizə məlum deyil. Qanunsuz həbsdə olan şəxslərin ailələrinə qaytarılması üçün beynəlxalq tərəfdaşların köməyi ilə iş davam edir.

Hesabat dövründə işğal xətti boyunca qeydə alınan bütün əhəmiyyətli hadisələrə toxunulub, qanunsuz “borderizasiya” prosesini nəzərdə tuturam. Yerli əhali üçün təhlükə yaradan bu cür destruktiv hərəkətlərin qəbuledilməzliyi ilə bağlı mərkəzi hakimiyyətin qəti mövqeyi bir daha qeyd edilib. Sərbəst hərəkət məsələsini müzakirə etdik. Həmçinin, bu gün texniki məsələləri müzakirə etdik. Dəvət olunmuş ekspertlər görüşdə iştirak edirdilər, o cümlədən beynəlxalq tərəfdaşlarımız tərəfindən. Bu baxımdan gələcək əməkdaşlıq perspektivləri müəyyən edildi.

İşğal rejimi Çorçana məsələsini daim qaldırır və onun təhlükə olduğunu elan edir. Bu baxımdan qeyd etmək istərdim ki, standart polis postu heç bir təhlükə yaratmır. Bu baxımdan təhlükələr zərərsizləşdirilib. Zamanında onun cinayətkar məqsədlə qoyulması təhlükə idi. İşğal rejimi nümayəndələrinin postun götürülməsi ilə bağlı bəyanatlarına gəlincə, mərkəzi hakimiyyətin bununla bağlı da bəyan edilmiş mövqeyi var və onlara bu bir daha çatdırılıb” – Dövlət Təhlükəsizliyi Xidmətinin Analitik Departamentinin direktor müavini İrakli Antadze görüş başa çatdıqdan sonra bildirib.