Entoni Blinken - Odessaya hücum Rusiyanın Türkiyədə imzalanmış müqavilələrə sadiqliyini ciddi şəkildə sual altına qoyur

11:17, 24.07.2022

ABŞ dövlət katibi, Entoni Blinken rəsmi açıqlamasında Rusiyanın Odessaya hücumunu pislədi və Moskvanın İstanbulda əldə olunan razılaşmalar üzrə öhdəliklərini pozduğunu bəyan etdi.

“Bu hücum Rusiyanın dünən imzalanmış müqavilələrə sadiqliyinin etibarlılığını ciddi şəkildə sual altına qoyur və BMT, Türkiyə və Ukraynanın dünya bazarında son dərəcə vacib qida məhsullarının tədarükünü təşkil etmək səylərini sarsıdır.

Rusiya qlobal ərzaq böhranının pisləşməsinə görə məsuliyyət daşıyır və təcavüzünə dərhal son qoymalı və razılaşdığı razılaşmanı tam yerinə yetirməlidir”, – dövlət katibinin bəyanatında deyilir.

Müəllif - Araz Mashov

Dünya