Beynəlxalq normaların bütün pozuntularını pisləyirik və beynəlxalq və yerli müşahidəçilərin seçkilərlə bağlı bütün pozuntuların tam araşdırılması haqda çağırışlarına qoşuluruq – bu haqda ABŞ dövlət katibi Entoni Blinkenin bəyanatında deyilir.

“2004-cü ildən Gürcüstanda güclü demokratiya olub və ölkənin gücünün mənbəyidir, dünənki fəallıq isə gürcü xalqının demokratiyaya sadiqliyini bir daha təsdiqləyir. Lakin, 2024-cü ildə beynəlxalq və yerli müşahidəçilər qeyd etdilər ki, seçkiöncəsi mühit hakim partiya tərəfindən ictimai resurslardan sui-istifadə, səslərin alınması və seçicilərin qorxudulması ilə səciyyələnib, bu da qeyri-bərabər şəraitin yaranmasına kömək edib, ədalətli nəticə imkanına beynəlxalq və ictimaiyyətin etimadını sarsıdıb.

Beynəlxalq və yerli müşahidəçilərin səsvermə gününün ümumilikdə yaxşı idarə olunduğu ilə razılaşmasına baxmayaraq, biz qanun pozuntuları və ayrıca zorakılıq haqda hesabatları qeyd edirik.

Beynəlxalq müşahidəçilər nəticənin azad və ədalətli olduğunu elan etməyiblər.

Beynəlxalq normaların bütün pozuntularını pisləyirik və beynəlxalq və yerli müşahidəçilərin seçkilərlə bağlı bütün pozuntuların tam araşdırılması haqda çağırışlarına qoşuluruq.

Gələcəkdə, Gürcüstanın siyasi liderlərini qanunun aliliyinə hörmət etməyə, fundamental azadlıqlara xələl gətirən qanunvericiliyi ləğv etməyə və seçki prosesindəki nöqsanları birlikdə aradan qaldırmağa çağırırıq. Gürcüstanın ölkə konstitusiyasında təsbit olunmuş Avropa və Avro-Atlantik inteqrasiya məqsədləri hökumətdən vətəndaş cəmiyyəti üzvlərinin hüquqlarına və bütün gürcü vətəndaşlarının fundamental azadlıqlarına hörmətlə yanaşmağı tələb edir” – Entoni Blinkenin bəyanatında deyilir.