Emmanuel Makron – Putinlə danışmağa heç bir səbəbim yoxdur, əgər mənə nəsə təklif etmək üçün zəng etsə, cavab verərəm, Fransa dialoqa həmişə imkanlar yaradır

Putinlə danışmağa heç bir səbəbim yoxdur, – bBu barədə Fransa prezidenti Emmanuel Makron “France İnfo” nəşrinə müsahibəsində bəyan etdi.

Makronun qeyd etdiyi kimi, əgər Rusiya prezidenti Vladimir Putinin özü zəng etsə, o, Putinə cavab verəcək.

“Putinlə danışmağa heç bir səbəbim yoxdur, əgər mənə nəsə təklif etmək üçün zəng etsə, cavab verərəm, Fransa dialoqa həmişə imkanlar yaradıb və yaradır”, – Fransa prezidenti qeyd etdi.

Məlumat üçün, Rusiyanın Ukraynaya genişmiqyaslı işğalının əvvəlində Makron Putinlə müntəzəm telefon danışıqları aparırdı.

Fevralda isə, bəyan edirdilər ki, Fransa və Almaniya liderləri çoxdandır Rusiya prezidenti ilə söhbət etməyiblər.