Fransa Prezidenti Emmanuel Makron İsrailin Qəzzada əməliyyatının hər iki xalq üçün fəlakətə gətirib çıxaracağını bildirir.

Emmanuel Makron İordaniya kralı II Abdullah və Misir Prezidenti Abdel Fata as-Sisi ilə danışıqlardan sonra bəyanat dərc edib.

“İnancı bölüşürük: İsrailin Qəzza sektorunda hazırladığı hərbi əməliyyat hər iki xalq üçün fəlakətə gətirib çıxara bilər və bütün regionu daimi müharibə girdabına sürükləmə təhlükəsi yaradır” – Makron yazıb.

Fransa Prezidenti Qəzza sektorunda uzunmüddətli atəşkəs çağırışını təkrarlayıb. O, həmçinin bütün girovların azad edilməsini, Qəzza əhalisi üçün irimiqyaslı humanitar yardımın göstərilməsini, eləcə də “HƏMAS”ın tərksilah edilməsini və Fələstin Muxtariyyətinin gücləndirilməsini müharibənin dayandırılması üçün ilkin şərtlər adlandırıb.