Fransa Prezidenti Emmanuel Makron Hindistanın Baş naziri Narendra Modi ilə görüşüb. Qeyd edildiyi kimi, liderlər tərəfdaşlığı dərinləşdirmək barədə razılığa gəliblər.

Emmanuel Makron Narendra Modi ilə birlikdə keçirilən mətbuat konfransında bildirib ki, dünyadakı cari dəyişikliklər fonunda, Hindistan-Fransa əməkdaşlığı yeni səviyyəyə keçir.

“Biz hegemonluq qarşısında passiv olmayacağıq və bəzilərinin etdiyi kimi əməkdaşlıqdan imtina etməyəcəyik” – Fransa Prezidenti bildirib.

Bununla yanaşı, Emmanuel Makron bildirib ki, Fransa hindli tələbələrə viza vermək məsələsində çox sərt ola bilər və prosesi sadələşdirəcəyinə söz verib.

Hindistanın Baş naziri Narendra Modi öz növbəsində bildirib ki, “Hindistan-Fransa tərəfdaşlığı sərhəd tanımır – okeanın dərinliklərindən dağın zirvəsinə qədər çatır”.