Fransa Prezidenti Emmanuel Makron Fransanın Fələstin dövlətini tanıdığını bildirib.

Makronun izah etdiyi kimi, sentyabrda Birləşmiş Millətlər Təşkilatının Baş Assambleyasının iclasında rəsmi bəyanat verəcək.

“Yaxın Şərqdə ədalətli və uzunmüddətli sülhə yönəlik tarixi öhdəliyə uyğun olaraq, Fransanın Fələstin dövlətini tanımasına qərar verdim” – Makron sosial şəbəkədə yazır.

Fransa Prezidenti qeyd edib ki, Qəzzada müharibəyə son qoymaq və mülki əhalini xilas etmək bu gün ən vacib məsələdir.

Makron sülh üçün bir neçə şərt irəli sürür: dərhal atəşkəs, bütün girovların azad edilməsi və Qəzza əhalisinə humanitar yardımın göstərilməsi. Həmçinin, “HƏMAS”ın demilitarizasiyası, Qəzzanın təhlükəsizliyi və bərpası.

“Fələstin dövlətinin yaradılması, onun həyat qabiliyyətinin təmin olunması və demilitarizasiya və İsrailin tam tanınmasından sonra Yaxın Şərqdə hamının təhlükəsizliyinin təmin olunmasına nail olmaq vacibdir. Alternativ yoxdur. Fransızlar Yaxın Şərqdə sülh istəyirlər. Bu bizdən fransızlardan asılıdır, israillilər, fələstinlilər, avropalı və beynəlxalq tərəfdaşlarımızla birlikdə bunun mümkün olduğunu göstərək” – Makron sosial şəbəkədə yazır.