Fransa Prezidenti Emmanuel Makron Yerusəlimdəki atışmaya sosial şəbəkədə münasibət bildirir.

Fransa Prezidenti hücumu terror aktı adlandırır və həlak olanların ailələrinə başsağlığı verir.

“Fransa Şərqi Yerusəlimdə baş verən terror hücumunu qətiyyətlə pisləyir. Həlak olanların ailələrinə və İsrail xalqına dərin hüznlə başsağlığı verirəm. Zorakılığa son qoyulmalıdır. Yalnız siyasi həll regionda sülh və sabitliyi bərpa edəcək” – o, X-da yazıb.

Bununla yanaşı, “BBC” İsrailin xarici işlər naziri Qideon Saara istinadən yazır ki, Yerusəlimdə atışma nəticəsində həlak olanların sayı 6-ya yüksəlib.

Medianın məlumatına əsasən, avtobusdan atəş açan iki ehtimal olunan cinayətkar “zərərsizləşdirilib”.

Hücumun motivi bilinmir. Hələlik heç bir qruplaşma hadisəyə görə məsuliyyəti üzərinə götürməyib.