“Böyük Yeddiliy”in liderlər Yaxın Şərqdə davam edən münaqişənin Rusiyaya qarşı tətbiq edilən sanksiyaların qaldırılması üçün əsas olmadığı barədə razılığa gəldilər – bu haqda Fransa Prezidenti Emmanuel Makron bildirib.

“Bu vəziyyət heç bir şəkildə Rusiyaya qarşı mövcud sanksiyaların qaldırılmasına haqq qazandırmır və bu sanksiyalar qüvvədə qalmalıdır. Əlbəttə, bu vəziyyət Ukraynaya olan diqqətimizi, Ukraynaya dəstəyimizi və Rusiyaya qarşı sanksiyalarla bağlı aydınlığımızı azaltmamalıdır” – Makron bildirib.

O bildirib ki, həmçinin görüşdə Beynəlxalq Enerji Agentliyi və onun təxminən otuz üzv ölkəsi çərçivəsində 400 milyon barrelə qədər neft ayrılması qərarı verilib.

“Bu, maksimal miqdardır. Biz bunu bazarın inkişafından asılı olaraq, əsas tərəfdaşlarımızla əlaqələndirilərək tədricən edəcəyik” – Emmanuel Makron qeyd edib.

Bununla yanaşı, Fransa Prezidenti Donald Trampın İranla münaqişədə məqsədlərinin nə olduğunu və onlara nə vaxt nail olmaq niyyətində olduğunu aydınlaşdırmalı olduğunu bildirib.

“İranın raket və hərbi imkanları əhəmiyyətli dərəcədə zərər görüb, lakin İran regionun bir neçə ölkəsinə hücum etməyə davam edir. Buna görə də, bu münaqişədə son məqsədlərinin nə olduğunu və onlara hansı sürətlə nail olmaq niyyətində olduğunu aydınlaşdırmalı olan Amerika Prezidenti olacaq” – Makron bildirib.