Emmanuel Makron bildirir ki, o və Kir Starmer Ukraynada bir aylıq atəşkəs təşəbbüsü ilə çıxış edirlər

 
Fransa Prezidenti Emmanuel Makron və Böyük Britaniyanın Baş naziri Kir Starmer Ukraynada bir aylıq atəşkəs təşəbbüsü ilə çıxış edirlər. Bu haqda Fransanın “Le Figaro” nəşri yazır.

“Le Figaro”ya müsahibəsində Makron bildirib ki, o və Starmer bir aylıq atəşkəs, “havada, dənizdə və enerji infrastrukturunda atəşkəs” təşəbbüsü ilə çıxış edirlər.

Makron qeyd edib ki, atəşkəs birinci mərhələ olacaq, sülhü təmin etmək üçün qoşunların yerləşdirilməsi isə daha sonra baş tutacaq.

“Sonrakı həftələrdə Avropa qoşunları Ukrayna ərazisində olmayacaq. Məsələ ondan ibarətdir ki, biz bu vaxtdan bir neçə həftə davam edəcək danışıqlar yolu ilə mümkün atəşkəsə nail olmaq üçün necə istifadə edəcəyik və sonra, sülh sazişi imzalandıqdan sonra, qoşunların yerləşdirilməsi baş tutacaq” – Makron bildirib.

Ukrayna Prezidenti Volodimir Zelenski Böyük Britaniyanı tərk etməzdən əvvəl jurnalistlərlə danışarkən Makron və Starmerin təşəbbüsü barədə məlumatlı olduğunu bildirib. Bu plandan xəbəri olub-olmaması sualına, Zelenski “Mən hər şeyi bilirəm” cavabını verib.

Bundan əlavə, Fransa Prezidenti hesab edir ki, avropalılar müdafiə büdcəsini artırmalıdırlar. “Son üç ildə ruslar ÜDM-in on faizini müdafiəyə xərcləyirlər. Buna görə də biz gələcəyə hazırlaşmalıyıq, qarşımıza üç və ya 3,5 faiz civarında hədəf qoymalıyıq” – Makron qeyd edib.