Elon Musk, milyarder və “X” platformasının sahibi, bu gün Fransanın prokurorluğunda dindirilmək üçün ifadə verməlidir.

“Reuters”in məlumatına görə, iş Maskın platformasında alqoritmlərin mümkün qərəzliliyi ilə bağlıdır.

Hazırda Maskın dindirilmədə iştirak edib-etməyəcəyi məlum deyil.

Amerikalı milyarder Fransanın prokurorluğuna fevral ayında Paris prokurorluğunun kibercinayətkarlıq bölməsi “X” ofisində axtarış apardıqdan sonra çağırılıb.

Əvvəlcə məlumatlarla bağlı fırıldaqçılıq faktı üzrə başlanan istintaq sonradan genişləndirilib. İşə uşaq pornoqrafiyasının yayılmasında iştirak və real şəxslərin görüntülərindən istifadə etməklə saxta çılpaq şəkillərin hazırlanması ilə bağlı ittihamlar da əlavə olunub.

İyul ayında Mask ittihamları rədd edib və istintaqı “siyasi motivli” adlandırıb.