Büdcədən oğurlanan pulun uşaq xəstəliklərinin müalicəsinə istifadə etmək üçün xüsusi dövlət fondu yaratmaq haqda prezident Salome Zurabişvilinin təşəbbüsünü tam bölüşürəm – bu barədə “Droa” partiyasının lideri Elene Xoştarianın “Facebook” səhifəsində dərc olunmuş paylaşımında deyilir.

“Həmçinin, onun ruhunu bölüşürəm ki, gəlin bu qanunsuz hakimiyyət getdikdən və törətdikləri çirkinliklərin üzə çıxmasından sonra hansı qərarları verəcəyimiz barədə düşünməyə başlayaq” – Elene Xoştaria qeyd edir.

Məlumat üçün bildirək ki, Gürcüstanın sabiq prezidenti Salome Zurabişvili sosial şəbəkədə yazıb: “Gürcü Xartiyası”nın yenilənməsinə ehtiyac ola bilər, hərçənd hələ heç kim konkret təklif təqdim etməyib və imzasını geri götürməyib. Bu mərhələdə bunların gəliş/müqavimət cəbhəsinin qələbəsi zamanı ilkin ümumi fəaliyyət planını müəyyən etməli olan birləşdirici sənəd, fəaliyyət planı olaraq qalır. Bütün imza atanlar üçün iki vacib dəyişiklik və ya əlavə təklif etmək istərdim: ilk iki prioritetlə (vicdan məhbuslarının və siyasi məhbusların dərhal azad edilməsi, bütün anti-Avropa və anti-gürcü qanunlarının ləğvi) birlikdə, üçüncüsü də yazılsın: “Duchenne” xəstəliyi olan uşaqların dərmanlarının büdcədən dərhal maliyyələşdirilməsi!; korrupsiya, qanunsuz tenderlər və digər vasitələrlə büdcədən oğurlanan vəsaitlərin köçürüləcəyi xüsusi dövlət fondu yaradılsın və bu vəsaitlərə prioritet olaraq Gürcüstanda Uşaq Dövlət Onkoloji Mərkəzinin, eləcə də uşaqların bütün mümkün xəstəliklərinin müalicəsi xərclərinin maliyyələşdirilməsi təyin edilsin. Yəni, bu qədər fırıldaqçı və korrupsioner siyasətçidən oğurlanan vəsaitlər gələcək nəsillərimizin sağlam həyatına həsr olunmalıdır! Ümid edirəm ki, bu məsələ hər kəs üçün məqbul olacaq və birliyi daha da gücləndirəcək!