Eka Kupatadze Ekaterina İvanişviliyə müraciət edir – Məni cavabsız qoymayacağınıza inanırdım, prokurorluq cinayət təqibinə başlamağa tam hazırdır və ümid edirəm ki, öz səlahiyyətlərini icra etməkdə onlara maneçilik törədilməyəcək

Qətlə yetirilmiş müəllim Qiqa Avalianinin anası Eka Kupatadze sosial şəbəkədə Bidzina İvanişvilinin həyat yoldaşı Ekaterina İvanişvilinin məktubuna münasibət bildirib.

“Məni cavabsız qoymayacağınıza inanırdım, Ekaterina xanım.

Mənim günahsız övladımı vəhşicəsinə qətlə yetirdilər. Nia İmnadze və/yaxud Qiorqi Malania olmasaydı, bu gün Qiqa Avaliani sağ olardı. İşdə kifayət qədər birbaşa və ya dolayısı sübutlar var, prokurorluq cinayət təqibinə başlamağa tam hazırdır və ümid edirəm ki, öz səlahiyyətlərini icra etməkdə onlara maneçilik törədilməyəcək.

Həqiqət ortadadır, əsas qalıb – ədalət.

Xoşbəxt bir ana olaraq qocalasınız, Ekaterina xanım” — Eka Kupatadze yazır.

Məlumat üçün bildirək ki, qətlə yetirilmiş müəllim Qiqa Avalianinin anası Eka Kupatadze dünən Bidzina İvanişvilinin evinin qarşısında olub və onun həyat yoldaşı Ekaterina İvanişviliyə müraciət edib. Bu gün isə Ekaterina İvanişvili Eka Kupatadzenin müraciətinə cavab verib.