Dünya Bankının proqnozu ilə, Ukraynada müharibəyə görə, dünyada qiymətlər rekord olaraq artacaq. Dünya Bankının yeni hesabatının müəlliflərindən birinin BBC-yə verdiyi məlumata görə, qiymət artımının iqtisadi və humanitar nəticələri olacaq.

Onun sözlərinə görə, böhranı dünyanın əksər ailələri hiss edəcək.

“Biz xüsusilə yoxsul ailələrin ağır vəziyyətindən narahatıq, çünki onlar gəlirlərinin böyük hissəsini qida və enerjiyə xərcləyirlər”, – Dünya Bankında bəyan edirlər.

Dünya Bankının proqnozlarına görə, enerji resurslarının qiymətləri 50% artacaq. Ən çox təbii qaz Avropada bahalaşacaq. Eyni hesabatda deyilir ki, 2024-cü ildə qiymətlər aşağı salınmalıdır, baxmayaraq ki, enerjinin qiyməti əvvəlki illərlə müqayisədə hələ də 15% baha olacaq.

Eyni hesabatın müəlliflərinin fikrincə, neftin də qiyməti artacaq və 2024-cü ilə qədər qara qızılın bir barreli orta hesabla 100 dollara çatacaq. Bu, Dünya Bankının ehtimalına görə inflyasiyanı artıracaq.

Ərzaq məhsullarında da bahalaşma gözlənilir. Hesabata görə, ərzaq qiymətləri artıq son 60 ilin ən yüksək səviyyəsindədir.

Buğdanın qiyməti 42,7% artacaq və bu məhsulun qiyməti rekord həddə çatacaq. Arpa, günəbaxan yağı, soya və toyuq ətinin qiyməti də xeyli artacaq. Bu dəyişiklik Ukrayna və Rusiyadan ixracın azalması ilə bağlıdır.

Dünya Bankı həmçinin güman edir ki, gübrələr, metallar və minerallar bahalaşacaq.