“Duchenne”dən əziyyət çəkən uşağın valideyni Zakro Qvişiani – İşçi qrup bu gündən etibarən iki dərmanla bağlı işləməyə başlayacaq, əczaçılıq şirkətləri ilə aktiv iş aparılacaq

Baş nazirlə bugünkü görüşdə konkret dərman vasitələri ilə bağlı fəaliyyət göstərəcək işçi qrupunun yaradılması barədə qərar qəbul edilib. Əczaçılıq şirkətləri ilə aktiv iş aparılacaq – bu barədə “Duchenne”dən əziyyət çəkən uşağın valideyni Zakro Qvişiani Hökumət Administrasiyasında Gürcüstanın Baş naziri İrakli Kobaxidze ilə görüşdən sonra jurnalistlərə deyib.

Onun sözlərinə əsasən, “Duchenne”dən əziyyət çəkən uşaqların konkret dərman preparatları ilə təmin edilməsi məsələsi üzərində iş bu gündən etibarən başlayacaq.

“Bu ləyaqətli və çox böyük mübarizədə qələbə qazanıldı. Bütün valideynləri, bütün pasiyentləri və bu böyük, ləyaqətli mübarizədə bizə dəstək olan hər bir azarkeşimizi təbrik edirəm. Bugünkü görüşdə konkret dərman vasitələri ilə bağlı fəaliyyət göstərəcək işçi qrupunun yaradılması barədə qərar qəbul edilib. Əczaçılıq şirkətləri ilə aktiv iş aparılacaq. Yekun olaraq, uşaqlarla və diaqnozla bağlı ən yaxşı şərtlərə uyğun qərar qəbul ediləcək. Bu prosesdə zəruri olan bütün amillər nəzərə alınacaq.

Hələlik bəzi fərdi məsələlərin keçilməsi lazımdır. Ən yaxşı şərtlərə uyğun olaraq, uşaqların ali maraqlarından və onların sağlamlıq vəziyyətindən çıxış edərək, təxminən iki aydan sonra iki dərmanla bağlı yekun qərar veriləcək. Onların adlarını dəqiqləşdirə bilmərəm. Bu, iş prosesidir və prosesə zərər dəyə bilər. Hazırda adları açıqlamaqdan çəkinirik. Dörd dərmandan ikisi barədə yekun qərar veriləcək, lakin digər iki dərman üzrə proses dayandırılmayacaq. Təbii ki, komanda tərəfindən iş, kommunikasiya və dərmanlarla bağlı zəruri olan bütün proseslərdə iştirak təmin ediləcək. Yaxın gələcəkdə məlumat alacaqsınız” – Zakro Qvişiani bildirib.

Məlumat üçün bildirək ki, Gürcüstanın Səhiyyə Nazirliyi və valideynlərin iştirakı ilə “Duchenne”dən əziyyət çəkən uşaqların konkret dərman preparatları ilə təmin edilməsi məsələsi üzərində aktiv çalışacaq işçi qrup yaradılacaq.