Gürcüstan ərazisində və onun hüdudlarından kənarda fəaliyyət göstərən müəyyən qrup şəxslər müxtəlif bəhanələrlə (o cümlədən “Xarici Təsirin Şəffaflığı haqqında Qanunun” qəbulu, parlament seçkilərinin “saxtalaşdırılması”) Gürcüstanda vətəndaş qarşıdurması və destabilizasiya təxribatı planlaşdırırdılar, bunun əsas məqsədi hakimiyyətin zorakı yolla dəyişdirilməsi idi, – bu barədə Dövlət Təhlükəsizlik Xidmətinin 2024-cü il hesabatında qeyd olunur.

Hesabata görə, müəyyən qrup şəxslərin fəaliyyəti xarici ölkələrdən gələn maliyyələşdirmə ilə idarə olunurdu, parlament və qeyri-parlament konkret siyasi partiyaların liderləri və qeyri-hökumət təşkilatlarının rəhbərləri tərəfindən.

“Müxtəlif dövrlərdə cinayətkar planlarda ölkə xaricində olan Gürcüstan vətəndaşları, xüsusən də Ukraynada döyüşən gürcülərin konkret bir hissəsi fəal iştirak edirdi, onlar bildirirdilər ki, Gürcüstana gəlməyə və polisin əleyhinə planlaşdırılan zorakılıqda aktiv iştirak etməyə hazırdırlar, bu da vəziyyətin son dərəcə gərginləşməsinə gətirib çıxaracaqdı. Onların arasında hakimiyyət təmsilçilərinin fiziki məhvi planları da müzakirə olunurdu.

Etiraz aksiyalarının təşkilatçılarının məqsədi gedən proseslərin Maydanlaşdırılması idi. Planlaşdırılırdı Tbilisinin nəqliyyat qovşaqlarının iflic edilməsi, hökumət binalarına və strateji obyektlərə aparan yolların, hüquq-mühafizə orqanlarının dislokasiya bazalarının blokadaya alınması, mərkəzi prospektlərdə çadır şəhərciklərinin qurulması.

Etiraz enerjisinin və radikallaşmanın artırılması məqsədilə hüquq-mühafizə orqanlarının əməkdaşlarının nümayişçilərlə qarşıdurmaya təhrik edilməsi planlaşdırılırdı, bunun nəticəsində qurbanların olması gözlənilirdi. Bu məqsədlə ayrı-ayrı gənclər qrupları tərəfindən pirotexnika və Molotov kokteylləri istifadə olunurdu.

Mövcud məlumata görə, etiraz aksiyalarının təşkilatçıları 2024-cü il 14 dekabr tarixində Gürcüstan prezident seçkiləri prosesinin pozulmasını da planlaşdırırdılar. Bu məqsədlə Gürcüstan Parlamentinin ətrafında vəziyyətin maksimum dərəcədə gərginləşdirilməsi nəzərdə tutulurdu, bu isə qurbanlara səbəb olmalı və məsuliyyət hakimiyyətin üzərinə qoyulmalı idi.

Etiraz aksiyalarının təşkilatçılarının xüsusi hücum hədəfi hüquq-mühafizə orqanlarının əməkdaşları idi. Onların demoralizasiyası və təhriki məqsədilə rəngli inqilabların təşkili ilə bağlı metodlardan istifadə edilirdi, məsələn, təhdid, rüşvət, hüquq-mühafizə əməkdaşlarının etirazçılar tərəfinə keçməsinin səhnələşdirilməsi, bu isə ümumilikdə dövlət strukturlarının dağılması təəssüratının yaradılmasına xidmət edirdi,” – deyə DTX-nın hesabatında qeyd olunub.