Dövlət Təhlükəsizliyi Xidmətinin Kəşfiyyat Agentliyinin 2026-2027-ci illər üçün rəhbər sənədi təsdiqlənib. Xarici kəşfiyyatın prioritet istiqamətlərini müəyyən edən müvafiq əmri Dövlət Təhlükəsizliyi Xidmətinin rəisi Mamuka Mdinaradze imzalayıb. Məlumatı Dövlət Təhlükəsizliyi Xidməti yayır.

“Kəşfiyyat Agentliyində keçirilən görüşdə Dövlət Təhlükəsizliyi Xidmətinin rəisi rəhbər sənədin əhəmiyyətini vurğulayıb və qarşıya qoyulmuş məqsəd və vəzifələrin agentliyin inkişafının keyfiyyətcə yeni mərhələyə keçid imkanına kömək edəcəyini qeyd edib.

Fəaliyyət planı növbəti iki il ərzində Kəşfiyyat Agentliyinin fəaliyyətinin əsas istiqamətlərini və risklərə cavab vermə vasitələrini əhatə edir.

Görüşdə Mamuka Mdinaradze Kəşfiyyat Agentliyinin fəaliyyət hesabatını da dinləyib. Dövlət Təhlükəsizliyi Xidmətinin rəisi hər bir əməkdaşa gördüyü işlərə görə təşəkkür edib, gələcək fəaliyyətlərində uğur arzulayıb və agentliyə tam dəstəyini bir daha təsdiqləyib” – Dövlət Təhlükəsizliyi Xidmətinin bəyanatında deyilir.