Dünənki gündən etibarən müxtəlif media platformalarından (həmçinin müəyyən aktivistlər tərəfindən) kampaniya xarakterli yanlış məlumat yayılır ki, guya Ukrayna kəşfiyyatının materiallarına əsasən, Gürcüstan ərazisində Rusiya Federasiyasının Silahlı Qüvvələrinin xüsusi təhlükəsiz kommunikasiya terminallarının şəbəkələri mövcuddur. Bu barədə Dövlət Təhlükəsizliyi Xidmətinin yaydığı bəyanatda bildirilir.

Dövlət Təhlükəsizliyi Xidmətinin məlumatına görə, göstərilən media platformalarının heç bir nümayəndəsi indiyədək quruma müraciət etməyib.

“Buna baxmayaraq, adıçəkilən media platformalarının heç bir nümayəndəsi indiyədək Təhlükəsizlik Xidmətinə müraciət etməyib. Öz növbəsində, biz Ukraynanın Xarici Kəşfiyyat Xidmətindən də bu cür məlumat almamışıq. Həmin qurum yaydığı açıqlamada belə şəbəkələrin Ukraynada, cəbhə xəttində və Afrika qitəsində mövcud olduğunu göstərib. Eyni zamanda, açıqlama ilə birgə yayımlanan fotodakı yerləşmə Gürcüstanla bağlı yanlış interpretasiya üçün zəmin yaradıb. Biz proaktiv şəkildə çalışırıq müəyyənləşdirək ki, onların öz açıqlamasından fərqli olan məlumatın yayılmasına nə səbəb olub və bu məlumat Gürcüstanda müəyyən qruplara saxta və anti-dövlət kampaniyası aparmaq imkanı necə verdi,” – deyilir Dövlət Təhlükəsizliyi Xidmətinin bəyanatında.