Qori Munisipalitetinin Erqneti kəndində İnsidentlərin Qarşısının Alınması və Cavab Mexanizminin (IPRM) 125-ci görüşü keçirilib, görüşdə əvvəlki görüşdən bu günə qədər işğal altındakı bölgədə və işğal xətti boyunca qeydə alınan bütün mühüm insidentləri ətraflı müzakirə ediblər.

Dövlət Təhlükəsizliyi Xidmətinin nümayəndələri yenidən Tamaz Qinturinin qətlində təqsirli olan şəxslərin cəzalandırılmasını ciddi şəkildə tələb ediblər.

Bununla yanaşı, xüsusi diqqət qanunsuz həbsdə olan bütün şəxslərin qeyd-şərtsiz və dərhal azad olunması məsələsinə yönəldildi. Son vaxtlar müəyyən edilmiş qanunsuz dırnaqarası borderizasiya faktları qəti şəkildə pislənilib.

İşğal xətti yaxınlığında yaşayan yerli əhalinin üzləşdiyi humanitar məsələlər, o cümlədən sərbəst hərəkət baxımından mövcud problemlər və onların həlli imkanları müzakirə mövzusu idi.

İnsidentlərin Qarşısının Alınması və Cavab Mexanizminin növbəti görüşü 2025-ci ilin iyulun 21-də keçiriləcək.

Məlumatı Dövlət Təhlükəsizliyi Xidməti yayır.