Rusiya işğalçı qüvvələrinin işğal etdiyi Balti kəndi yaxınlığında qanunsuz saxlanılan Zurab Lobjanidze azaddır və mərkəzi hökumətin nəzarətində olan ərazidədir.

Məlumatı Dövlət Təhlükəsizliyi Xidməti yayıb.

“Zurab Lobjanidzenin qeyri-qanuni həbsdən azad edilməsi prosesində həm Avropa İttifaqının Gürcüstandakı Monitorinq Missiyasının (EUMM) idarə etdiyi “qaynar xətt” mexanizmindən, həm də mərkəzi hökumətin sərəncamında olan bütün müvafiq vasitələrdən fəal şəkildə istifadə edilib.

Gürcüstanın işğal olunmuş rayonlarında və işğal xətti boyunca həyata keçirilən bütün dağıdıcı hərəkətlərə görə məsuliyyət işğalçı dövlətin üzərinə düşür.

Mərkəzi hökumət beynəlxalq tərəfdaşlarla birlikdə işğal olunmuş ərazilərdə qanunsuz həbsdə olan bütün Gürcüstan vətəndaşlarının azad edilməsi üçün fəal işi davam etdirir”, – Dövlət Təhlükəsizlik Xidmətinin məlumatında deyilir.