Dövlət Audit İdarəsi “Tbilisi Siyasi Araşdırmalar Məktəbi” tərəfindən hökumətin razılığı olmadan qrant alınması iddiası ilə bağlı araşdırmaya başlayıb

Dövlət Audit İdarəsinin Maliyyə Şəffaflığı Departamenti “Tbilisi Siyasi Araşdırmalar Məktəbi” qeyri-kommersiya hüquqi şəxsinin Gürcüstan Hökumətinin razılığı olmadan qrant alması ilə bağlı iddialara dair monitorinqə başlayıb.

Bu barədə Dövlət Audit İdarəsi məlumat yayıb.

Onlar həmçinin bildirdilər ki, məsələnin hərtərəfli təhlilini aparmaq məqsədilə Dövlət Audit İdarəsi Gürcüstan qanunvericiliyi, o cümlədən Gürcüstanın “Qrantlar haqqında” Qanunu ilə müəyyən edilmiş səlahiyyətlər çərçivəsində fəaliyyət göstərəcək.

Məsələ, “Tbilisi Siyasi Araşdırmalar Məktəbi”nin rəhbəri Armaz Axvledianinin təşkilatçılığı və Avropa Şurasının maliyyə dəstəyi ilə keçirilən, həmçinin Pavel Herçinskinin də iştirak etdiyi maarifləndirici seminara dair məlumatlarla bağlıdır. Mövcud məlumata görə, Qrantlar haqqında Qanunun tələb etdiyi qaydada bu məsələ ilə bağlı hökumətə müraciət edilməyib.