Donetsk vilayətinin qubernatoru bildirib ki, Rusiya təmas xətti boyunca yaşayış məntəqələrini intensiv şəkildə bombalayır

Donetsk vilayətinin qubernatoru Pavel Kirilenko bildirib ki, Rusiya Ukrayna hökumətinin nəzarətində olan ərazi ilə rusiyapərəst separatçıların nəzarətində olan əraziləri ayıran təmas xətti boyunca yaşayış məntəqələrini intensiv şəkildə bombalayır.

Kirilenko dağıdılan evlərin fotolarını sosial şəbəkədə yerləşdirib. Onun sözlərinə görə, səhər saatlarında Rusiya qüvvələri Mariinka və Novomikaylovkanı atəşə tutub, bundan sonra adıçəkilən yaşayış məntəqələri istiqamətində artilleriya atəşi açıb. Həmçinin gecə saatlarında Rusiya qüvvələri Avdeevka, Mariinka, Krasnoqorovka və ətraf əraziləri atəşə tutub.