Donald Tusk – Vladimer Putinin “Böyük İyirmilik” sammitinə dəvət edilməsi Moskvanı Ukraynaya qarşı təcavüzü davam etdirməyə sövq edə bilər

17:52, 24.09.2026

 

Rusiya Prezidenti Vladimer Putinin Mayamidə “Böyük İyirmilik” sammitinə dəvət edilməsi Moskvanı Ukraynaya qarşı təcavüzü davam etdirməyə sövq edə bilər – bu barədə Polşanın Baş naziri Donald Tusk açıqlayıb.

“Əgər Putinin “Böyük İyirmilik” sammitinə dəvət olunması sülhə yaxınlaşmağa kömək edə bilsəydi, mən tamamilə dəstəkləyərdim. Lakin məni narahat edən və eyni zamanda təcrübəmin də dediyi odur ki, bu mərhələdə Rusiyanın bunu təşviq kimi qəbul etməsi və təcavüzkar siyasətini davam etdirməsi tamamilə mümkündür. Bundan çəkinirəm” – Tusk qeyd edib.

ABŞ-nin dövlət katibi Marko Rubio sentyabrın 23-də bildirib ki, Vladimer Putin “Böyük İyirmilik” sammitinə dəvət olunub və dəvəti qəbul edəcəyi təqdirdə, Tramp və dünyanın digər liderləri ilə görüşmək imkanı əldə edəcək. Rubio, Putinin dəvəti qəbul edəcəyinə ümid etdiyini bildirib.

Bununla yanaşı, sentyabrın 12-də Ukrayna Prezidenti Volodimir Zelenski Mayamidə keçiriləcək “Böyük İyirmilik” sammitində Rusiya Prezidentinin dəvəti olacağı təqdirdə Vladimir Putinlə görüşməyə hazır olduğunu bəyan etmişdi.

Oxşar