Polşanın Baş naziri Donald Tusk bildirir ki, Amerika Birləşmiş Ştatları Rusiya-Ukrayna sərhədinə və ya təmas xəttinə qoşun göndərməyə ehtimal ki, razılaşacaq.

Medianın məlumatına əsasən, Tusk bu haqda Avropa ölkələrinin liderləri, eləcə də Kanadanın Baş naziri, Avropa qurumlarının rəhbərləri və NATO Baş katibi ilə danışıqlardan sonra deyib.

Polşanın Baş nazirinin sözlərinə əsasən, sülh artıq üfüqdədir və bir neçə həftə ərzində buna nail olmaq mümkün olacaq.

Tusk qeyd edib ki, müharibənin bitməsinə ümidin əsası Amerikanın sülh bağlandıqdan sonra Ukraynanın təhlükəsizlik zəmanətlərində iştirak etməyə hazır olduğunu bəyan etməsidir.

“Müharibənin bitməsi ümidinin əsası Amerikanın sülh bağlandıqdan sonra Ukraynanın təhlükəsizlik zəmanətlərində iştirak etməyə hazır olduğunu bəyan etməsidir. Bu, məsələn, sərhəddə və ya Ukrayna ilə Rusiya arasında təmas xəttində Amerika qoşunlarının olmasını əhatə edir. Bu olduqca aydın bəyanatlar ilk dəfə ortaya çıxdı. Görək Atlantik okeanının o biri tərəfindəki tərəfdaşlarımız nə qədər ardıcıl olacaqlar” – o, bildirib.

Bununla yanaşı, Fransa Prezidenti Emmanuel Makron yanvarın əvvəlində Parisdə “qətiyyətli qərara malik ölkələrin koalisiyası”nın görüşünün keçiriləcəyini və orada hər bir ölkənin Ukraynanın təhlükəsizlik zəmanətləri sisteminə konkret töhfəsini dəqiqləşdirməyi planlaşdırdıqlarını açıqlayıb.