Donald Trampın xüsusi nümayəndəsi bildirir ki, Rusiya işğal altındakı ərazilərin nəzarətini güzəştə getməyəcək, lakin hüquqi baxımdan bu ərazilər Rusiyanın tərkib hissəsi hesab olunmur

ABŞ Prezidenti Donald Trampın xüsusi nümayəndəsi bildirir ki, Rusiya işğal altındakı ərazilərin nəzarətini güzəştə getməyəcək, lakin hüquqi baxımdan bu ərazilər Rusiyanın tərkib hissəsi hesab olunmur.

ABŞ Prezidenti Donald Trampın xüsusi nümayəndəsi Kit Kelloqi bəyan edib ki, Rusiya Ukraynanın işğal altındakı ərazilərinin nəzarətini güzəştə getməyəcək, lakin hüquqi baxımdan bu ərazilər Rusiya Federasiyasının tərkib hissəsi hesab olunmur. O bildirib ki, bu, çətin vəziyyət yaradır ki, bu da gələcək danışıqlar tələb edir. Bu haqda Kelloqi “Fox News”a müsahibəsində deyib.

Kelloqi Rusiyanın faktiki olaraq bütün Luqansk bölgəsinə, Donetsk, Zaporojie və Xerson bölgələrinə isə yalnız qismən nəzarət etdiyini deyib.

“Sual yaranır: Bu vəziyyət gələcəkdə necə olacaq? Əsl ərazi nailiyyətləri nələrdir?” – Kelloqi bildirib.

O, müharibənin həllinin istənilən variantında de-fakto və de-yure nəzarət arasında fərq qoymağın vacib olduğunu vurğulayıb. Rusiya Federasiyası işğal olunmuş ərazilərdə fiziki olaraq mövcuddur və onları tərk etmək niyyətində deyil, lakin qanuni olaraq bu torpaqlar Ukraynanın tərkibində qalır.

“Burada de-fakto ilə de-yure arasında fərq qoymaq lazımdır. De-fakto o deməkdir ki, onlar ərazini fiziki olaraq zəbt ediblər və heç yerə getməyəcəklər, lakin de-yure siz onu tam şəkildə ilhaq etdiyinizi deyə bilməzsiniz. Beynəlxalq ictimaiyyət bu ərazini Rusiyanın tərkib hissəsi kimi tanımır. Məhz belə çətin müzakirələri yenə aparasıyıq” – Kelloqi bildirib.

Kelloqi hesab edir ki, siyasi həll yolu tapmaq üçün həm Ukraynanın, həm də Rusiyanın mövqelərini başa düşmək, eləcə də hər iki tərəfi qismən də olsa qane edəcək kompromis tapmaq lazımdır.

“Fikrimcə, texniki tapşırıq adlandırıla biləcək şeyi qəbul etməliyik. Ukraynalılar nə istəyirlər? Ruslar nə istəyirlər? Sonra bu mövqeləri uzlaşdırmağa və bəlkə də hər iki tərəfi qane edəcək variant tapmağa dəyər, lakin əlbətdə, tərəflərdən heç biri istədikləri hər şeyi ala bilməz” – Kelloqi “Fox News”a müsahibəsində deyib.