Zərurət halında, ABŞ çox qısa müddətə, təxminən bir saata İranın əlavə infrastrukturunu məhv edə bilər – bu haqda ABŞ Prezidenti Donald Tramp bildirib.

Ağ Evdə jurnalistlərin İranla müharibəni bitirmək üçün əlavə hansı hərbi addımların atılmasının lazım olduğu barədə sualına Tramp cavabında eyni hərəkətlərin davam etdirilməli olduğunu bildirib.

ABŞ Prezidentinin sözlərinə əsasən, İran artıq ciddi itkilər yaşayıb. O, ABŞ-nin müəyyən obyektləri hələ hədəfə almadığını, lakin onların tez bir zamanda məhv edilə biləcəyini deyib.

“Hələlik müəyyən obyektlərə toxunmuruq, lakin bunu etsək bu gün, əslində bir saata edə bilərik. Bundan sonra onların ölkəni yenidən qurmaq imkanı olmayacaq” – Tramp bildirib.

ABŞ Prezidenti həmçinin qeyd edib ki, həyata keçirilən hərbi əməliyyat İrana vurulan ən ağır zərbələrdən biridir.

“Biz onlara tarix ərzində praktiki olaraq istənilən ölkənin vurduğu zərbədən daha çox zərbə vurduq və bu, hələ bitməyib” – Tramp qeyd edib.