Rusiya və Çin Amerika Birləşmiş Ştatları olmadan NATO-dan heç qorxmurlar və şübhə edirəm ki, həqiqətən ehtiyacımız olsa, NATO bizim yanımızda olacaq – bu haqda ABŞ Prezidenti Donald Tramp sosial şəbəkədə yazıb.

“Biz hər zaman NATO-nun yanında olacağıq, hətta onlar bizim yanımızda olmasalar belə. Çin və Rusiyanın qorxduğu və hörmət etdiyi yeganə ölkə Donald Tramp tərəfindən bərpa edilmiş ABŞ-dır” – ABŞ Prezidenti yazır.

Donald Trampın sözlərinə əsasən, ABŞ axmaqcasına NATO-nun xərclərini ödəyirdi və indi üzvlərin ÜDM-in 5 faizini ödəməsinə nail olub.

“Hamı bunu etməyin mümkün olmadığını deyirdi, lakin mümkün idi, çünki ilk növbədə, hamısı mənim dostlarımdır. Mənim müdaxiləm olmasaydı, Rusiya indi bütün Ukraynaya sahib olardı. Həmçinin unutmayın ki, təkbaşına səkkiz müharibəni bitirdim və NATO üzvü olan Norveç axmaqcasına Nobel Sülh Mükafatını mənə verməməyə qərar verdi, lakin bunun əhəmiyyəti yoxdur. Əsas odur ki, milyonlarla həyatı xilas etdim” – Tramp sosial şəbəkədə yazır.