ABŞ Prezidentinin xüsusi nümayəndəsi Stiv Uitkof avqustun 6 və ya 7-də Rusiyaya səfər edəcək. Bu barədə ABŞ Prezidenti Donald Tramp jurnalistlərə deyib.

Jurnalist Trampdan Rusiyaya verilən on günlük müddət bitdikdə nə baş verəcəyini soruşub.

“Sanksiyalar olacaq, lakin onlar açıq-aydın sanksiyalardan yayınmağı yaxşı bacarırlar. Beləliklə, görək, nə baş verəcək, lakin Stiv hazırda insanların qida ala bilməsi üçün diqqətini Qəzzaya yönəldib. Ola bilsin, o, Rusiyaya gələn həftə, çərşənbə və ya cümə axşamı getsin. Onlar onu görmək istəyirdilər, görüşmək istədilər. Beləliklə, görək, nə baş verəcək” – Tramp qeyd edib.

ABŞ Prezidenti həmçinin qeyd edib ki, indilərdə həlak olan rus əsgərlərinin sayı yayılıb, bu da həddən artıq çoxdur və raketlərlə vurduqları şəhərlər çoxalır.

“Bu cəfəng müharibədə həddən artıq çox insan öldü. Bildiyiniz kimi, biz bir çox ölkənin müharibə aparmasını dayandırdıq – Hindistan və Pakistan – biz bir çox ölkəni dayandırdıq və bu müharibəni də bir şəkildə dayandıracağıq. Bu, həqiqətən də dəhşətli müharibədir” – Tramp bildirib.