Donald Tramp Səudiyyə Ərəbistanında Ukrayna rəsmiləri ilə planlaşdırılan danışıqlardan müsbət nəticələr gözlədiyini bildirir

 
ABŞ-nin Prezidenti Donald Trampın bəyanatına əsasən, Amerika Birləşmiş Ştatları Ukrayna ilə kəşfiyyat mübadiləsinin dayandırılmasını “demək olar ki” başa çatdırıb və Səudiyyə Ərəbistanında Ukrayna rəsmiləri ilə planlaşdırılan danışıqlardan müsbət nəticələr gözlədiyini qeyd edib.

“Biz çox şeyi müşahidə edirik. Bildiyiniz kimi, Səudiyyə Ərəbistanında bizim böyük görüşlərimiz var. Bu Rusiyanı əhatə edir. Bu Ukraynanı əhatə edir. Görək nəsə edə bilərikmi? Bu həftə bir çox insan öldü, bildiyiniz kimi, Ukraynada, təkcə ukraynalılar deyil, ruslar da. Belə ki, düşünürəm ki, hamı bunun sonunu görmək istəyir. Düşünürəm ki, bu həftə biz böyük irəliləyiş əldə edəcəyik” – Tramp bildirib.

Ukraynanın minerallar üzrə sazişi imzalayıb-imzalamayacağı ilə bağlı suala Tramp belə cavab verdi: “Düşünürəm ki, onlar minerallar üzrə sazişi imzalayacaqlar, lakin mən onların indi sülh istəmələrini istəyirəm. Hazırda bunu lazım olan səviyyədə göstərməyiblər, amma məncə, göstərəcəklər. Düşünürəm ki, bu, yaxın iki-üç gündə açıq-aydın baş verəcək” – ABŞ-nin Prezidenti qeyd edib.

Keçən həftə Mərkəzi Kəşfiyyat İdarəsinin direktoru Con Retkliff ABŞ-nin Ukrayna ilə kəşfiyyat məlumatını paylaşmağı dayandırdığını açıqlamışdı. ABŞ rəsmiləri sabah Səudiyyə Ərəbistanında Ukrayna nümayəndə heyəti ilə görüşəcəklər.