ABŞ Prezidenti Donald Tramp Rusiya Prezidenti Vladimer Putinlə telefonla danışdığını və Ukrayna məsələsini müzakirə etdiyini bildirir.

O, bunun “dərhal sülhə gətirib çıxaracaq” olmasa belə, yaxşı söhbət olduğunu deyir.

ABŞ Prezidentinin qeyd etdiyi kimi, Putin ona deyib ki, Rusiya Ukrayna tərəfindən Rusiya aerodromlarının bombardman edilməsinə cavab verməli olacaq.

“Rusiya Prezidenti Vladimer Putinlə telefon danışığını indicə bitirdim. Telefon danışığı təxminən 1 saat 15 dəqiqə davam etdi. Biz Ukrayna tərəfindən Rusiyada bazalaşdırılmış təyyarələrə hücumu, eləcə də hər iki tərəfin həyata keçirdiyi müxtəlif hücumları müzakirə etdik. Bu, dərhal sülhə gətirib çıxaracaq olmasa belə, yaxşı söhbət idi. Prezident Putin aerodromlara edilmiş son vaxtlardakı hücuma cavab verməli olacağını çox qəti şəkildə dedi” – Tramp özünün “Truth Social” sosial şəbəkəsində yazır.

ABŞ Prezidenti, Vladimer Putinlə həmçinin İran məsələsi haqda danışdığını deyib.

“Biz həmçinin İranı və İran tərəfindən nüvə silahı ilə bağlı qərar qəbul edilməsi üçün vaxtın bitməkdə olması faktını müzakirə etdik, bu, tez bir zamanda qəbul edilməlidir. Prezident Putinə dedim ki, İran nüvə silahına malik ola bilməz. İnanıram ki, biz bu məsələdə razılaşacağıq. Prezident Putin İranla danışıqlarda iştirak etməyi təklif etdi və ola bilsin ki, o, bu məsələnin tezliklə həll olunmasına kömək edə bilsin. Fikrimcə, İran bu çox vacib məsələ ilə bağlı qərar qəbul etməyi yubadır və biz çox qısa zamanda son cavabı almalıyıq” – Tramp yazır.