Donald Tramp prezidentliyinin ilk günündən Meksika, Kanada və Çindən gətirilən mallara rüsumları kəskin şəkildə artıracağını bildirir

 
Amerika Birləşmiş Ştatlarının seçilmiş prezidenti Donald Tramp prezidentliyinin ilk günündən Meksika, Kanada və Çindən gətirilən mallara rüsumları kəskin şəkildə artıracağını bildirir.

Tramp, bu addımın qeyri-qanuni immiqrasiyaya və sərhəddən “cinayət və narkotik” axınına cavab ölçüsü olduğunu deyib.

“Yanvarın 20-də ilk icra sərəncamım çərçivəsində Meksika və Kanadadan ABŞ-a gətirilən bütün məhsullara 25% rüsum tətbiq etmək üçün bütün lazımi sənədləri imzalayacağam” – Donald Tramp sosial şəbəkədə yazır.

O, bu rüsumun narkotiklərin idxalı və ölkəyə qanunsuz miqrantların “daxil olması” bitənə qədər qüvvədə qalacağını bildirib. Çin halında, Tramp bu ölkənin ABŞ-a narkotik axınını dayandırana qədər mövcud rüsumlara on faiz əlavə ediləcəyini deyib.

“CNN”in yazdığı kimi, Çin səfirliyinin nümayəndəsi ölkəsinin narkotiklərlə mübarizədə ABŞ ilə fəal əməkdaşlıq etdiyini bəyan edib. Kanadanın rəsmi şəxsləri isə cavab bəyanatında sərhəd təhlükəsizliyinin onların ölkələri üçün əsas prioritet olduğunu qeyd ediblər.