Donald Tramp prezident seçkiləri nəticələrindən şikayət etməyi planlaşdırır

Donald Tramp prezident seçkiləri nəticələrindən şikayət etməyi planlaşdırır. Bu barədə Ağ Evin mətbuat katibi, Kayli Makenan bəyan etdi.

“Seçkilərin başa çatmasına hələ var”, – Ağ Evin mətbuat katibi bəyan etdi.

Makenan bir daha qeyd etdi ki, “Trampın komandası istəyir ki, seçkilərdə qeydə alınan bütün qanuni səslər hesablansın, qanunsuz isə, ləğv olunsun”.

Xatırladaq ki, 7 noyabrda Amerika və beynəlxalq media ABŞ prezident seçkilərində qalib kimi Co Baydeni adlandırdı.

ABŞ-ın hazırkı prezidenti məğlubiyyətə uğradığını hələ etiraf etməyib. Tramp sübut edir ki, seçkilər zamanı pozuntular qeydə alınıb və nəticələr şikayət olunmalıdır.