Nikolas Maduronun günləri sayılıdır. O, bizə milyonlarla insanı, onların çoxu həbsxanadan, çoxlu narkotik satıcısını, narkotik baronlarını, psixiatrik müəssisələrdən göndərdi. O, onları çox axmaq prezidentimizin olduğu ölkəmizə göndərdi. Bunu bilirsiniz – bu haqda ABŞ Prezidenti Donald Tramp “Politico”ya müsahibəsində deyib.

Müsahibə zamanı Tramp dəfələrlə Amerika qoşunlarının Venesuelaya yeridilməsinin mümkünlüyünü təkzib edib.

“Məqsədimiz Venesuela xalqına yaxşı davranılmasıdır. Çoxu Amerika Birləşmiş Ştatlarında yaşayan Venesuela xalqına hörmət edilməsini istəyirəm. Onlar mənə qarşı heyrətamiz olublar. Onlar 94 faizlə məni dəstəkləyiblər. Bu, inanılmazdır. Mən Venesuela xalqı ilə çox yaxşı tanış oldum. Onlar inanılmaz insanlardır və Maduro onlara dəhşətli davranıb” – Donald Tramp bildirib.

Bununla yanaşı, ABŞ Prezidenti Meksika və Kolumbiya da daxil olmaqla, narkotik ticarətinin çox aktiv olduğu digər ölkələrdəki hədəflərə qarşı güc tətbiq etməyi istisna etmədiyini deyib.