Donald Tramp neft şirkətlərini yanacaq qiymətlərini aşağı salmağa çağırır

ABŞ Prezidenti Donald Tramp bir daha neft şirkətlərini amerikalı istehlakçılar üçün yanacaq qiymətlərini aşağı salmağa çağırdı.

Bununla yanaşı, Tramp Amerikanın “Chevron” neft şirkətinin sədri və icraçı direktoru Mayk Uirti tənqid edib.

“Chevron”un sədri və icraçı direktoru Mayk Uirt möhtəşəm Maria Bartiromo ilə müsahibəsində şirkətinin bu qədər uğurlu olmasının bütün səbəblərindən danışdı. Burada unutduğu yeganə şey odur ki, Tramp administrasiyasının dahiliyi, uzaqgörənliyi, qətiyyəti və sabitliyi olmasaydı, neft sənayesi və ölkəmizin özü məhv olardı. Məsələn, Mayk və “Chevron” Venesueladan qovulmuşdular, lakin indi onlar oraya qayıdıblar – heç vaxt olmadığı qədər daha güclü, daha böyük miqyasda və böyük mənfəət əldə edəcəklərini gözləyirlər. Eyni şey digər neft şirkətlərinə də aiddir. İstehlakçılar üçün (pərakəndə!) yanacaq qiymətlərini dərhal aşağı salın” – Tramp yazır.